Ich hockä i mis Gschichtähüüsli
Die Wält verussä isch gar grüüsli
S’isch alles zunderobsicho
Niemer weiss me wie was wo

S’isch Wiehnacht und mer dörf nöd singe
Wem dörf s’Christchind öppis bringe
Vorsichtig s’wärded alli chrank
Jetzt chunnt diä Impfig Gäld sei Dank

Es bliibed alli ganz elei
Si träumed vome goldne Ei
Wo dinnä es paar Gschichtli hocked
Villicht äs Tränli uselocked

Am Änd wid’s guet
Und nüd vergässe
Zum Läbe ghört no meh
Als Ässe